FCB-Forum

Was isch euri Meinig zem diesjährige Fasnachtsquerschnitt uff em Staatssänder?

Us minere Sicht eher e durchschnittliche Joorgang, do's zwenig richtigi Fasnachtsbilder gäh het. Anstatt Wirlette und Charivari wär me Drummeli und/oder Mimösli nötig gsi.

Adie.......

55 joor...

Stadtbasler hat geschrieben:Was isch euri Meinig zem diesjährige Fasnachtsquerschnitt uff em Staatssänder?

Us minere Sicht eher e durchschnittliche Joorgang, do's zwenig richtigi Fasnachtsbilder gäh het. Anstatt Wirlette und Charivari wär me Drummeli und/oder Mimösli nötig gsi.

Die Flötenspieler fand ich noch ganz lustig.

Ist das nur mein subjektives Gefühl oder bringen die jedes Jahr wie mehr Schnitzelbängg?

für meinen geschmack könnte man die vorfasnacht ganz weglassen und dafür komentarlose impressionen vom cortège, gässle, etc bringen

@spirit: ist mir auch aufgefallen

Suboptimaali Usswaal vo Bänggeler bzw. Värs. Y ka mer nit vorstellen ass DAS die guete Nummere vom Pfyfferli gsii sinn und die pyynlig Ospel-Nyyd-Nummere vom Drummeli hät men au könne loo. Isch halt immer e "s joooo allne rächt mache" Sändig, aber dasch jo aigentlig au logisch. Schysst my aa ass y d Wirrlete nit gsee ha - ganz herrlig gsii die Verarschig vo divärsischte Szenene (nüt gege der Klapka aber y gsee halt aifach lieber öbbis neus als die x-t Variatioon vo däm Geflötle).

Skurrils vs. Fasnacht pur? Traditionells vs. Innovativs? Persoonehuldigung vs. Larvedrääger? Do gits halt so vyl Mainige wie Zueschauer. Solang sy wytterhin vom Cortège d Kröönig vo der Schöpfig (Three-Peat!!!) bringen isch aber alles in Oornig...

Ha sogar als Güggeler Drääne in de Auge gha. Top- Querschnitt. Bi zwar froh, dass es vrbyy isch, aber trotzdäm e suuberi Sach gsi.

Stadtbasler hat geschrieben:Was isch euri Meinig zem diesjährige Fasnachtsquerschnitt uff em Staatssänder?

Us minere Sicht eher e durchschnittliche Joorgang, do's zwenig richtigi Fasnachtsbilder gäh het. Anstatt Wirlette und Charivari wär me Drummeli und/oder Mimösli nötig gsi.

Nein sorry s drummeli isch mit usnahm vo 2 bis 3 Clique soooo mies xi. Usser de Rätz, de Lälli und no ere 3te Clique wo i dr name nümm weiss hesch alles könne furtwärfe

die guten sachen / sprüche / laternen usw wurden gar nicht erst richtig gezeigt weil es die restliche schweiz nicht kapiert!

ständig nur murat yakin und blocher schnitzelbänke zu zeigen, spiegelt auch nicht die fasnacht wieder

z'viel schnitzelbängg und vorallem hän e paar vo de ganz guete (z.b. die gsalzene!) gfählt!

Asselerade hat geschrieben: ständig nur murat yakin und blocher schnitzelbänke zu zeigen, spiegelt auch nicht die fasnacht wieder

wobis mi erstuunt het, dass sie dä vom singvogel? zeigt hänn, vo wäge er muess sich jetzt au ufs gliche billige niveau abelo wie s'schwizerfärnseh...

aber em margot sini värsli zum schluss vo de sändig wärde au vo johr zu johr mieser...

Asselerade hat geschrieben: ständig nur murat yakin und blocher schnitzelbänke zu zeigen, spiegelt auch nicht die fasnacht wieder

dafür den Kanton BS...

Basic hat geschrieben:wobis mi erstuunt het, dass sie dä vom singvogel? zeigt hänn, vo wäge er muess sich jetzt au ufs gliche billige niveau abelo wie s'schwizerfärnseh...

Wo die ganzi Kompanie am Oobe spoot
noonem Dusche no zem Spermie-Spände goht,
vertailt me vorsichtshalber jedem e Gamälle
mit warmer Ovi drin zer Sterggig vo de Zälle.

Y sehs eich aa, ihr händ doch dänggt bim letschte Väärs:
Jetz wird er aber langsam alt und lyycht pervärs.
Jä wennd als Bänggler wotsch am Schwyzer Färnseh koo,
muesch dy uffs Niveau vo däm Sänder aabeloh.

naja, anschinend hetter ebe doch rächt

dr geilschti värs woni die fasnacht ghört ha:

Syg nätt zue Deppe mit Beschwärde
Si kennte Dini Chefe wärde
Dangg dämm Vrhalte sin so Horde
Wie d' Amis zuenre Wältmacht worde

Dä Grundsatz hämmer iibersprunge
Letscht Joor e Värs vom George Bush gsunge
D' Konsequänze hämmer gspyyrt
Dr CIA hett uns entfyyrt

D' Amis hänn gsait:" Eych Terrorischte
Dien mir dr kranki Kopf uusmischte
Drzue erniidrige und zwinge
Im Musikantestadel z' singe

Und wehret Ir Eych, dert mitzmache
Wisse mir no schlimmri Sache
Denn gitts zer Stroof fyr eyer Gfasel
No 4 Stund Bängg vom Tele Basel!

Bim Ghaimdienst gilt syt vyllne Joor
Dr Bush gitt's gaischtig Niveau vor
Drumm dien mir zem Eych integriere
Dreiviertel Hirni ambutiere!"

Jetz kennet Ir nimm gradus dängge
Mir dien Eych drumm s' Vertraue schängge
Und Agente bresentiere
Wo fyr uns d' Schwyz usspioniere

E Topagent haisst Benny Turnheer
Dämm si Gschwätz wirggd wiene Sturmgweer
Er paggd si Gegner - nimmt en duure
Und duet in kampfunfähig schnuure

Dr Malama die winzig Boone
Duet sich fyr CIA-Zwägg loone
Mir nutze drumm dä glai Spion
Als Abheergrät im Delifon

Dr Felix Moppert 007
Hett fyr uns Striplokal betriibe
Bim Yysatz Fraue eng beschattet
Und schynt's zer Tarnig au begattet

Die Situation kennt eskaliere
Wie sotti d' Schwyyz druff reagiere?
S gitt nur ai Wäg us däre Noot:
Die Gsalzene in Bundesroot!


(c) die gsalzene

Fänds geiler, wie scho paar gseit hän, wenns meh Idrügg und Bilder vom gässle gäbti! Au e vorstelle vo e paar ne glygge, sowie die Alte vorgstellt worde sin, wär suuber. Aber egal, isch wider e geili Fasnacht gsi, jetzt no Bummel und denn halt wider warte...

Digge hat geschrieben:dr geilschti värs woni die fasnacht ghört ha:

Syg nätt zue Deppe mit Beschwärde
blabblabla
Die Gsalzene in Bundesroot!


(c) die gsalzene

y hoff du hesch daas ironisch gmaint mit em beschte bangg!

kopfwee hat geschrieben:y hoff du hesch daas ironisch gmaint mit em beschte bangg!

hesch se live gseh?? und kennsch d'vorgschicht vo däm monstervärs????

chunnt viellicht bim läse nid so guet übere, aber ich ha die dr hammer gfunde!

Digge hat geschrieben:hesch se live gseh?? und kennsch d'vorgschicht vo däm monstervärs????

chunnt viellicht bim läse nid so guet übere, aber ich ha die dr hammer gfunde!

nai, han y nid, bi dussen im schiff gstande. aber numme so vom lääse ...... s het KAINI puänte! null, zero, zilch, nada! isch aifach e dailwyys e weeneli gaischt- und gschmaggloos gschichtli in värsform.

kopfwee hat geschrieben:nai, han y nid, bi dussen im schiff gstande. aber numme so vom lääse ...... s het KAINI puänte! null, zero, zilch, nada! isch aifach e dailwyys e weeneli gaischt- und gschmaggloos gschichtli in värsform.

ich ha se dreimol gseh und si sinn jewiels mindeschtens zwei- bis dreimol durch applaus unterbroche worde...

kopfwee hat geschrieben:nai, han y nid, bi dussen im schiff gstande. aber numme so vom lääse ...... s het KAINI puänte! null, zero, zilch, nada! isch aifach e dailwyys e weeneli gaischt- und gschmaggloos gschichtli in värsform.

Wer die Gsalzene schon länger kennt, kennt die Pointe...

Captain Sky hat geschrieben:Wer die Gsalzene schon länger kennt, kennt die Pointe...

danggerscheen capitano sky!

siggs wies well. wenigschtens isch ys s mimösli erspaart bliibe.