FCB-Forum

Während ich mir d' Wunde lägg,
's Bescht vom Daag grad vornewägg:
Me hett's doch no gschafft, dr Julio z' belohne,
mit me Bluemestruss und Ovatione,
fyr si Wirgge do am Rhy,
wie's vo Huus uss doch sett syy.
Nach em Lob do kemme d'Klaage,
nidd nur will me die hitt nidd hett gschlaage,
nai will lutt dr Höngger Oberglatze,
langsam duet mr mol dr Graage platze,
mir das Joohr schyyns derfe gseh,
s beschte Team wo's je heeg geh.
Die Ussag kan-y eppe glyych verstoh,
wie sini Wäggsel als in Helfti zwo.
Kunnt e Gägner denne wie Schaffhuuse,
mit 're Spyylwyys, ere voll abschtruse,
hinde mit dr grosse Kelle muure,
vorne uff ai Chance luure,
ka's denn sy das me vergrampft,
und au s Gligg grad no verdampft.
Will sich d'Defens no muess finde,
isch me aimoll nidd im Bild deert hinde,
und wie kennt's au anderscht syy,
schloht's bim erschte mol grad yy.
Irgendwie isch au bezaichnend,
d'Stirmer sin voll unzueraichend,
das e Vertaid'ger 's Goal hett g'macht,
e Schelm wär jetzte lacht.
Jetzt haisst's kämpfe, fighte, duurestarte,
nimmi uff e Wunder warte,
s Zepter wieder sälber schwinge,
und denn wärde eych au wieder glinge,
scheeni Spiilzyyg und au Kachle,
und die andre sin denn wieder d'Bachle!


Auf geht's! z'Monaco waiht e and're Wind!

Y lieb die Fasnachtsräpper!

adsge hat geschrieben: d'Stirmer sin voll unzueraichend,

wahre Worte!

chinatown hat geschrieben:wahre Worte!

Wahrer gehts nicht. Null Punch. Aber bei Julios Abgang hat man ja schnöde mit den Schultern gezuckt.

moulegou hat geschrieben:hat man ja schnöde mit den Schultern gezuckt.

Ich nicht man!
Hatte heute bei seiner Ehrung bereits eine kleinere Nostalgiekrise

dass dr Eduardo sooo globt wird in de Zyttige regt mi denn immer am meiste uf. Bim JHR hets immer gheisse "grosses Härz aber unfähig vorem Gol" aber er het mehr brocht als unsre superbrasilianer!

chinatown hat geschrieben:Ich nicht man!
Hatte heute bei seiner Ehrung bereits eine kleinere Nostalgiekrise

dass dr Eduardo sooo globt wird in de Zyttige regt mi denn immer am meiste uf. Bim JHR hets immer gheisse "grosses Härz aber unfähig vorem Gol" aber er het mehr brocht als unsre superbrasilianer!

Und wie lang spielt dr Superbrasilianer scho bi uns, du Weggli?
Sini Statistik isch manch besser als vomene andere im Team. Dä brucht nur e Knipser näbedra. Wenn me ebber kritisiere sett, denn dr Stereo, wo jetzt laidr nid mol im Sturm ebbis usmacht... Und do lacht me drüber, dass Togo e 5. Ligaspieler mit an d'WM nimmt und do lacht niemerds drüber, dass mer e 5.Liga Stürmer in dr letschte Zyt hän. Y hätt jetzt ächt meh vom Stereo erwartet nach sinere 2. Chance.

Rossi ka uns jo jetzt egal syy, dä isch wäg. Also nid gross hüüle ab abgwanderte Spieler, sunscht fang y grad no mit em Thema Streller a.

Es kam ein Verein aus Schaffhausen
Nach Basel die Punkte uns mausen.
Das Gejammer war gross,
Verlor'n zwei Punkt bloss.
Sind wir denn jetzt schon draussen?

Dr Stereo isch doch e armi Sau,
soll jetzt t'schuld si an däm Stirmer-Gau,
drby wär är mol aine gsy,
wo me gholt hett ihn dohyy,
doch me hett e Mittelfäldler uss em g'macht,
und das quasi iber Nacht,
Bäll hätt er selle denn verdaile,
sich fyr d'Stirmer inegnaile,
ohni Ahnig vo däm Job,
isch kai Wunder gytt's e Flop.
Sälte denne hett er gspyylt,
in Teschtspyyl zwor au Depf erzyylt,
doch nochhär hett er wider derfe warte,
bis ain vo de Liebling nidd ka starte,
wo dr Gross duet protegiere,
irgend so ne Oberstiere.
Jetzt wo alli Stirmer laahme,
muess er heebe wieder aane,
hett kai Praxis me im Sturm,
isch im Epfel gli dr Wurm,
s ainzig wo an ihm duet steere,
denn das duet sich gar nidd gheere,
fehlt au d Praxis, kasch doch kämpfe,
und dr Unmuet vo de Fans so dämpfe.

Aus Australien der Sterjowski
Ist noch zu wenig lang am Rheinknie!
Hat erst einen Reim verdient,
Wenn er nicht mehr ist so bliind.

ka nit öpper em adsge sini värsli em höngger zuecho lo...

di värs het voll ins härz mii droffe
no dämm, wo geschter so isch gloffe
han i mi grad aimool mee
frooge miesse, was isch gschee?
was muess das fir e virus syy?
dä isch mol koo, goot nimm verbyy
ass i so mätch, wie dä gescht zoobe
wo me jo wirgligg nit ka loobe
aaluege muess bis ganz zem schluss
(s wär mänge scho zer pause duss)
und schrey, bis d stimm ungscheent
am schluss wie bi me gwäägi deent
und au wenn's mi soo duet aaschisse
wie gescht, wo me sich kennt verrisse
kumm ainewäg ich, nimm so muff
wieder in tämpel, am sunntig druff
dr rootblau virus het mi gfange
loot mi nimm uss sin're zange
wird mit däm rotblau-club vom rhy
e lääbe lang verbunde syy
i ka nit goo, das isch's perfiide
drum fcb, lo mi nit liide
kämpf mit häärzbluet und mit fraid
zaig di in dim beschte glaid
ass dä virus, wo mi dribt
nit grangged, sondern zauber blibt!

adsge und schoofseggel voll geil!!!! ihr träffets doch immer wider uf e punkt