FCB-Forum

Wye's an Wyehnacht so muess syy,
kauft me sich e Baimli yy,
e scheeni Tanne uss em Wald,
wo dehai scho stooht denn bald,
au no Flaisch gooht me go kauffe,
duet sich wund denn d'Fiess fascht lauffe,
letschti Gschängg fyr all dye Lyebe,
uff das kain me duet betryebe,
mit de Täsche und däm Baimli,
isch dr Haimwääg schwär-unhaimlig,
kuum dehai, dr Baum platziere,
Daigli mache, Baggbläch schmiere,
Gutzli bagge, Baimli schmügge,
innehalte vor entzügge,
deert e Schlaifli, do e Kug'le,
jetzt no d' Serviette rug'le,
denn in d'Kuchi- Flaisch go schnyyde
dass denn kain muess Hunger lyyde,
ryschte, schnyyde, au probiere,
me will sich jo denn nidd blamiere,
ab ins Bad, eso ains gniessend,
und em Bart däm übelsspriessend,
au dr Garaus gänzlig mache,
e schigge Bubi uss sich mache,
fyyrlig feschtlig bisch denn g'luunt,
wenn dy Baum me denn bestuunt,
gleest und seelig bisch am Tisch,
wenn denn alles guet gsi isch,
aber gligglig wirdsch erscht syy,
wenn de gsehsch bi gross und klyy,
d'Auge lyychte, daile mit:
Scheen isch doch dye Wyehnachtszytt.


Y meecht uff däm Wäg all'ne User frohi Feschtdääg winsche und e guete Rutsch.


greetz atzge

wunderscheen, ha grad glänzendi äugli



...und wehe es kunnt eine vo wäge offtopic

isch das nid e bitz offtopic?

Schliess mi dene Wünsch a!

schliäss mi denä wünsch aah, au wenn ich diä euphorie nitt kha teilä....

*glänzigi Äugli*

Ich wünsch au allne User e frohi und besinnligi Wiehnachte!

adsge hat geschrieben:deert e Schlaifli, do e Kug'le,
jetzt no d' Serviette rug'le,
denn in d'Kuchi- Flaisch go schnyyde
dass denn kain muess Hunger lyyde,

Schryybt me Servette nit oony "i"?

E guete Rutsch ins Maischterjoor 2006, wo sich der FCb ändlig wider für d CL qualifiziert!

Blauderi hat geschrieben: E guete Rutsch ins Maischterjoor 2006, wo sich der FCb ändlig wider für d CL qualifiziert!

nick und posting sind kompatibel

scheeni wiehnacht zämme und diend nit z wild!!

ai szene ai liebi!

danke für deine wünsche und die immer soooooo schöne värsli

wie immer ainzigartig!

I schliess mi au aah.
Allne scheeni Feschtdääg

Basic hat geschrieben: ...und wehe es kunnt eine vo wäge offtopic

au wenns dr adsge isch
au wenns sehr schön isch
es hett mitem FCB überhaupt nüd ztue
und ghört drum ins OT
wie alli andere Wiehnachtswünsch-Threads au

vor allem, will au dr adsge-Thread jetzt zu somene Glückwunsch-Dings verchunnt.

mini persönlichi (Minderheits?-)Meinig

Rankhof hat geschrieben:au wenns dr adsge isch
au wenns sehr schön isch
es hett mitem FCB überhaupt nüd ztue
und ghört drum ins OT
wie alli andere Wiehnachtswünsch-Threads au

vor allem, will au dr adsge-Thread jetzt zu somene Glückwunsch-Dings verchunnt.

mini persönlichi (Minderheits?-)Meinig

dieser thread ist eine ausnahme. adsge hat sich die prominente stelle mit seinen tollenversli im letzten jahr mehr als verdient.

Rankhof hat geschrieben:au wenns dr adsge isch
au wenns sehr schön isch
es hett mitem FCB überhaupt nüd ztue
und ghört drum ins OT
wie alli andere Wiehnachtswünsch-Threads au

vor allem, will au dr adsge-Thread jetzt zu somene Glückwunsch-Dings verchunnt.

mini persönlichi (Minderheits?-)Meinig

danggschön für d'Mitteilig. Es isch wohr...wo söll denn das no anefiehre wenn me sich nit emol me im Forum an d'Gsetz haltet? Also bitz Ornig sött si.

Ich bi drfür, dass me dr Adsge sperrt, und zwar sofort und für immer. Schöni Värsli hi oder här, e gwüssi Diszipliln muess si.

Adsge raus!

Seemann hat geschrieben:Adsge raus!

asso ich ha's jo scho ganz am afang gseit, dass das off-topic isch, nidwohr aber uff mi loost jo niemer!

merci adsge fir dini zyyle
do ka me d wiehnachtsstimmig fyyle
au wenn me no sooo viil sott mache
und kuum me zyt findet zem lache

in so 're zyt voll grampf und stress
gschänggli kaufe, sms
verschigge oder käärtli schriibe
dr boode suuge, d fänschterschiibe

butze ass si wieder glänze
jä jetz darf kaine d arbet schwänze...
kasch kuum me schnuufe wäg däm plunder
denn wirggt e väärs vo dir als wunder!


meeeeeeeeeeeeessssssssiiiiiiiiiiiiiiiiiiiiiiiiiiiiiiiiiiiiiiiii adsge!

und au vo mir allne e scheeni wiehnacht

wider emol ganz schön messi
wünsch au no allne scheeni feschtdäg, gniessets

Basic hat geschrieben:dieser thread ist eine ausnahme. adsge hat sich die prominente stelle mit seinen tollenversli im letzten jahr mehr als verdient.

i weiss, i lieses jo au gärn. Und es chratzt mi jo au nid, ich persönlich würds eifach ehnder ins OT due und chann d Lüt verstoh, wo's au so gsehn. Aber schliesslich unterstöhn mir doch alli dr Willkür vom Angelo und do dr Angelo nüd gmacht hett isch adsge per Definition on-topic!

Rankhof hat geschrieben:i weiss, i lieses jo au gärn. Und es chratzt mi jo au nid, ich persönlich würds eifach ehnder ins OT due und chann d Lüt verstoh, wo's au so gsehn. Aber schliesslich unterstöhn mir doch alli dr Willkür vom Angelo und do dr Angelo nüd gmacht hett isch adsge per Definition on-topic!

aber mi kratzts!!!!!!! regle isch regle! für was gits denn gopferdammi sone ot-sektion?????? macht me bim adsge e ussnahm, kunnt morn dr nägscht sandkaschterocker und schribbt irgendwelche saich ins fcb-forum!
alles anarchischte oder was?

baslerstab hat geschrieben:aber mi kratzts!!!!!!! regle isch regle! für was gits denn gopferdammi sone ot-sektion?????? macht me bim adsge e ussnahm, kunnt morn dr nägscht sandkaschterocker und schribbt irgendwelche saich ins fcb-forum!
alles anarchischte oder was?

genau! Dorum: Adsge raus! Es muess e Exämpel statuiert wärde. Wenn me Ornig will ha, gits halt moll e baar Kollateralschäde.

adsge hat geschrieben:...
au no Flaisch gooht me go kauffe,
...

Müsste es nicht "Gammelfleisch" heissen?

schöni wiehnachte!

schöni wienachte euch allne! ich bi grad unterwägs zu de verwante (siehe unten) gruess Suffbrueder

Balisto hat geschrieben:

hab auch schon glänzende äuglein! *hicks*

adsge hat geschrieben:Wye's an Wyehnacht so muess syy,
kauft me sich e Baimli yy,
e scheeni Tanne uss em Wald,
wo dehai scho stooht denn bald,
au no Flaisch gooht me go kauffe,
duet sich wund denn d'Fiess fascht lauffe,
letschti Gschängg fyr all dye Lyebe,
uff das kain me duet betryebe,
mit de Täsche und däm Baimli,
isch dr Haimwääg schwär-unhaimlig,
kuum dehai, dr Baum platziere,
Daigli mache, Baggbläch schmiere,
Gutzli bagge, Baimli schmügge,
innehalte vor entzügge,
deert e Schlaifli, do e Kug'le,
jetzt no d' Serviette rug'le,
denn in d'Kuchi- Flaisch go schnyyde
dass denn kain muess Hunger lyyde,
ryschte, schnyyde, au probiere,
me will sich jo denn nidd blamiere,
ab ins Bad, eso ains gniessend,
und em Bart däm übelsspriessend,
au dr Garaus gänzlig mache,
e schigge Bubi uss sich mache,
fyyrlig feschtlig bisch denn g'luunt,
wenn dy Baum me denn bestuunt,
gleest und seelig bisch am Tisch,
wenn denn alles guet gsi isch,
aber gligglig wirdsch erscht syy,
wenn de gsehsch bi gross und klyy,
d'Auge lyychte, daile mit:
Scheen isch doch dye Wyehnachtszytt.


Y meecht uff däm Wäg all'ne User frohi Feschtdääg winsche und e guete Rutsch.


greetz atzge

und schon gehört es hier rein
sonst keine anderen Probleme?

adsge hat geschrieben:Wye's an Wyehnacht so muess syy,
kauft me sich e Baimli yy,
e scheeni Tanne uss em Wald,
wo dehai scho stooht denn bald,
au no Flaisch gooht me go kauffe,
duet sich wund denn d'Fiess fascht lauffe,
letschti Gschängg fyr all dye Lyebe,
uff das kain me duet betryebe,
mit de Täsche und däm Baimli,
isch dr Haimwääg schwär-unhaimlig,
kuum dehai, dr Baum platziere,
Daigli mache, Baggbläch schmiere,
Gutzli bagge, Baimli schmügge,
innehalte vor entzügge,
deert e Schlaifli, do e Kug'le,
jetzt no d' Serviette rug'le,
denn in d'Kuchi- Flaisch go schnyyde
dass denn kain muess Hunger lyyde,
ryschte, schnyyde, au probiere,
me will sich jo denn nidd blamiere,
ab ins Bad, eso ains gniessend,
und em Bart däm übelsspriessend,
au dr Garaus gänzlig mache,
e schigge Bubi uss sich mache,
fyyrlig feschtlig bisch denn g'luunt,
wenn dy Baum me denn bestuunt,
gleest und seelig bisch am Tisch,
wenn denn alles guet gsi isch,
aber gligglig wirdsch erscht syy,
wenn de gsehsch bi gross und klyy,
d'Auge lyychte, daile mit:
Scheen isch doch dye Wyehnachtszytt.


Y meecht uff däm Wäg all'ne User frohi Feschtdääg winsche und e guete Rutsch.


greetz atzge

Noch ein bisschen deutlicher