Verfasst: 14.09.2006, 00:56
lömmer d' chinatowns und griller mol uss em schpiil: für alli die, wo meine, sie syyge in dr mehrheit und so s rächt uff ihri syyte zoge glaube z ha.: dem ist nicht so. das forum isch überhaupt nid repräsentativ. in däre abschtimmig hets jetzt am 0:10 135 lüüt wo abgschtumme hän, 98 drvo göön normalerwyys in sektor d, 37 in abc. also grob gseit isch d' relation öbbe 8:3, obwohl d relation d zu de matschbsuecher abc in wirklichkeit öbbe 1:4 isch. das heisst, dass d mk bsuecher öbbe 10-fach vrtätte sin, dh vo zb 1000 abc bsitzer hetts nur e zähntel, wo sich an däre umfroog beteilligt hän gegenüber dr schtichprob vo de mk-bsuecher.
so umfrooge sin also überhaupt nid repräsentativ. das söll jo überhaupt kei vorwurf si. nur goots drum, dass e gwüsse prozäntsatz glaubt, d woorheit uff ihri syyte zoge zha, was i däm fall viellicht aschtimmt, will jo erscht 6500 tiggs vrkauft sin. nur vrgässe viili mk bsuecher, dass es au 3 anderi sektore git, wo d billet tüürer sin, und dr klub ohni die zueschauer finanziell vor d hünd würd go. e guete fan z si, heisst nid, dä wo am lüütischte schreit oder am heftigschte gege alli massnaame proteschtiert, handkehrum aber die schützt oder kennt, wo für e entschtandene sachschade vrantwortlig sin.
wär also glaubt, sich über anderne positioniere z könne, nur will är in dr mk schtoot, glaubt weiss nid was für e geile siech z si ufgrund von ere fankulturzueghörigkeit, dä sött die oberi zahlerelation sich vor auge fiere und mergge, dass är sich immer wird in dr minderheit befinde und dorum nid so tue, als siig är in dr mehrheit und könn anderi abwärte, wo syyni kleikariirti, begränzti und intoleranti uffassig nid teile. und das mit ere teilwyyse entfremdig, dass me meine könnt, die beträffend könne nid emol au nur dr theoretischi asatz duredängge, dass es no e andere asatz git.
dass me irgendwie e wyyteri schandtat vrhindere muess, und das goot halt nur mit massnaame. bi au nid dr meinig , dass es die richtige sin. aber wie au scho erwäänt: wär zum italiäner will go ässe und si name am telefon agit, dä loot isch jo au uff e art fichiere. natürlig isch das mit dr ufghobene übertragig absolut schwachsinnig, aber wär nüt macht, het jo au nüt z befürchte. ich als b-bsuecher würd mi sofort regischtriere loo, nid bi däm yschläfernde prozedere, aber vo dr grundidee här scho, will ich nüt z vrbärge ha. und wär sich so vehemänt drgege wehrt, duet halt trotzdäm dr vrdacht erwegge, öbbis mit däm ganze ztue ha, alles andere sin ablänkigsmanöverli.
was ich jetzt mach: ich attackiere e heilligi kue. wär d fankultur agrifft, isch e feind, wär für e regischtration plädiert ebefalls, genauso wie wenn me e blös witzli macht, do alles tabu und heilliggschproche isch, will e vrschmelzig vo dr eigne ehr und em eigene schtolz schtattgfunde het und me e potentielle agriff mit aller macht niederschmäätere muess.
alles e bitz überzoge, wär genau liesst, schtellt fescht, dass ich überhaupt nüt gege mk-bsuecher ha, sondern froh bi, dass syyt joore d schtimmig uss däm egge kunnt, währends in de andere sektore doch eher dezänz zue und här goot. es sölle sich die agriffe füüle, wo derart überempfindlig dien und sich gar nüt könn sage loo, zig feinbilder kreiiere und sich uss exzentrische und feschtgfahrene motiv nüt könne sage loo und meine d woorheit für sich elei reserviirt zha. vrgässed nid, ihr sind nur e minderheit und händ kei legitimation euch über alli andere z schtelle au wenn ihr das gärn hättet.
so umfrooge sin also überhaupt nid repräsentativ. das söll jo überhaupt kei vorwurf si. nur goots drum, dass e gwüsse prozäntsatz glaubt, d woorheit uff ihri syyte zoge zha, was i däm fall viellicht aschtimmt, will jo erscht 6500 tiggs vrkauft sin. nur vrgässe viili mk bsuecher, dass es au 3 anderi sektore git, wo d billet tüürer sin, und dr klub ohni die zueschauer finanziell vor d hünd würd go. e guete fan z si, heisst nid, dä wo am lüütischte schreit oder am heftigschte gege alli massnaame proteschtiert, handkehrum aber die schützt oder kennt, wo für e entschtandene sachschade vrantwortlig sin.
wär also glaubt, sich über anderne positioniere z könne, nur will är in dr mk schtoot, glaubt weiss nid was für e geile siech z si ufgrund von ere fankulturzueghörigkeit, dä sött die oberi zahlerelation sich vor auge fiere und mergge, dass är sich immer wird in dr minderheit befinde und dorum nid so tue, als siig är in dr mehrheit und könn anderi abwärte, wo syyni kleikariirti, begränzti und intoleranti uffassig nid teile. und das mit ere teilwyyse entfremdig, dass me meine könnt, die beträffend könne nid emol au nur dr theoretischi asatz duredängge, dass es no e andere asatz git.
dass me irgendwie e wyyteri schandtat vrhindere muess, und das goot halt nur mit massnaame. bi au nid dr meinig , dass es die richtige sin. aber wie au scho erwäänt: wär zum italiäner will go ässe und si name am telefon agit, dä loot isch jo au uff e art fichiere. natürlig isch das mit dr ufghobene übertragig absolut schwachsinnig, aber wär nüt macht, het jo au nüt z befürchte. ich als b-bsuecher würd mi sofort regischtriere loo, nid bi däm yschläfernde prozedere, aber vo dr grundidee här scho, will ich nüt z vrbärge ha. und wär sich so vehemänt drgege wehrt, duet halt trotzdäm dr vrdacht erwegge, öbbis mit däm ganze ztue ha, alles andere sin ablänkigsmanöverli.
was ich jetzt mach: ich attackiere e heilligi kue. wär d fankultur agrifft, isch e feind, wär für e regischtration plädiert ebefalls, genauso wie wenn me e blös witzli macht, do alles tabu und heilliggschproche isch, will e vrschmelzig vo dr eigne ehr und em eigene schtolz schtattgfunde het und me e potentielle agriff mit aller macht niederschmäätere muess.
alles e bitz überzoge, wär genau liesst, schtellt fescht, dass ich überhaupt nüt gege mk-bsuecher ha, sondern froh bi, dass syyt joore d schtimmig uss däm egge kunnt, währends in de andere sektore doch eher dezänz zue und här goot. es sölle sich die agriffe füüle, wo derart überempfindlig dien und sich gar nüt könn sage loo, zig feinbilder kreiiere und sich uss exzentrische und feschtgfahrene motiv nüt könne sage loo und meine d woorheit für sich elei reserviirt zha. vrgässed nid, ihr sind nur e minderheit und händ kei legitimation euch über alli andere z schtelle au wenn ihr das gärn hättet.
