Trekbebbi hat geschrieben:War auch bloss ein Beispiel... Kuz ist sicher nicht der einzige Fussballer, der in Interviews Dinge von sich gibt, die schon Stunden später nix mehr wert sein können. Leider scheint diese Gattung Sportler deutlich die Mehrheit auszumachen...
Ich find me sott sicherlich ufbasse mit de Usaage vo Spieler, abr me sott se au immer im Kontext betrachte. Dr Kuz het sich welle as grossi Gallionsfigur vom FCB inszeniere. Dr Tauli muess das nid.
Obwohl är duch sini ufbrausendi Art sicherlich au im eigene Lager mängmol für Unzfriedeheit sorgt, wird är vor allem sit däre Saison breit akzeptiert. Zuedäm wird dr Tauli wohl in dr näggste Saison dr einzig Stammspieler usem FCB-Nochwuchs, es sei denn eine vo de Junge wird sich in Stamm spiele, was abr kuum bassiere wird. Wenigstens no eine uffem Fäld wo uf de gliche Sportplätz und Pärker wie mir Fans d'Liebi zum Fuessball entdeckt het.
Wie gseit, dorum hets dr Tauli nid nötig durchs Mikro go Liebi ifange, das macht är sit einige Joore jetzt in erster Linie durch si lydeschaftliche Ysatz für Rotblau. Das sin sicherlich keinin Platitüde wie vome Kuz und co. Abr natylrig isches au kei Gelübde
.
Ich dänk dr Tauli bekunnt nid Aagebot, wos Gsamtpaket vom FCB sportlich krass überbiete, wenn denn viellicht finanziell. Abr do in dr Xhaka-Famiie jo anschienend alles brüederlich deilt wird, muess är sich do jo keini grosse Gedanke mache
. Dorum dänki, dass dr Tauli längerfristig bim FCB blybe wird, sofern ebbe au dr FCB witterhin ihm e neue Vertrag abietet, wo basst.
