MK - Biitritt

[Wilde Maa 1893]

Guete Obe zemme

Vorewäg : Ich bin kei Basler ( Region Liestal ) und wohn mit 2 Fraue usm Aagau zemme also schomol sorry fr mis "Baslerdyytsch"

Soo jetzt zum Thema : Basel-Fan bini scho sit ich cha laufe. Jetzt hani s gfühl ich bin sowiit um selber ind Kurve z goh und mis herzbluet in mini Mannschaft z stegge Bin zwar scho e baar mol im Stadion und au scho in dr MK gsie ... nur leider weissi immernonig so genau wies dert genau ablauft :/ ich weiss das es heisst : eifach in Saal und mit de lüt rede ... ob das e guedi idee isch weissi allerdings nid :S
Ich hätti do mol e paar frooge beträffend MK :

1. I bin erst 17 Joor alt ... isch das e Problem odr wird me au als U18 Nachwuchs aktzeptiert ?

2. Hets überhaupt no freii Plätz im D4 Parkett ?

3. ich würd mi gern au e chlei mit de lüt in dr kurve vernetzte.. eifach in Saal goh ?

4. gits irgendwelchi regle wome sett wisse ?

dr eint odr dr ander wird sicher saage : läck stellt dä saudummi frooge ... aber ich denk jede isch mol an dem Punkt gsie wonners selber nonig gwüsst hed odr ?

achso und lieder chani au scho e grosse teil mitschreye

Danke frd antworte

grüess

[fixi]

:d :d

Also..du wohnsch mit 2 Fraue in e Wohnig? Geili Sach

1. Wirdsch au als 17 Jörige akzeptiert

2. Wie meinsch das? Es hed immer e Platz..

3. Ka ich nid beantworte.

4. Stadionordnig

[Idefix]

dr eint odr dr ander wird sicher saage : läck stellt dä saudummi frooge ... aber ich denk jede isch mol an dem Punkt gsie wonners selber nonig gwüsst hed odr ?

Richtig... an däm Punggt isch jede mol gsy, aber do hets no kai Internet geschweige e Forum gäh...

Do bisch in d Kurve, bisch an d'Uswärtsmätch , hesch d'erscht dätscherei und denn mit dr zyt lernsch ain nach em andre kenne. So isch das bi uns gloffe und ich bi dr Meinig das set me hüt au no so mache.

[Basler_Monarch]

Richtig... an däm Punggt isch jede mol gsy, aber do hets no kai Internet geschweige e Forum gäh...

Do bisch in d Kurve, bisch an d'Uswärtsmätch , hesch d'erscht dätscherei und denn mit dr zyt lernsch ain nach em andre kenne. So isch das bi uns gloffe und ich bi dr Meinig das set me hüt au no so mache.

Das gute Vorhaben in aller Ehren, aber ich mag mich an fryener erinnere (alte Testament) wie meh sich's au nid het kenne leischte als erschte Biitrag grad e Thread z'erröffne ....
Do gits no Vrbessergspotential.
Aber nicht verzagen, ... und de Tipp vom Idefix als gueti Inspirationsquelle wohrneh.

Viel Spass und viel Erfolg

[Joggeligool]

ich würd eifach mol ticket kaufe und mit go kei anig weis nüm wie ich ahgfange han xD isch au scho 15johr här

[Wilde Maa 1893]

dankscheen das hilft jedefalls scho wiiter

s problem isch nur, dass ich kei lust uff irgendwelchi problem han... ich will mini manschafft ahtriebe und e teil vom 12te spieler sie und nid irgendepperem dr chopf ihschloh ...

[Basler_Monarch]

dankscheen das hilft jedefalls scho wiiter

s problem isch nur, dass ich kei lust uff irgendwelchi problem han... ich will mini manschafft ahtriebe und e teil vom 12te spieler sie und nid irgendepperem dr chopf ihschloh ...

Es wird sich alles ergeh, wirsch scho gseh ...
Ei Tipp, ehrlich si, nid grossi Sprüch chlopfe, mitgoh, zur Siite stoh, wenn bedarf do isch, und niemert in Rugge falle (übrigens alles Vrhaltenswiise, wo au in dr Usbildi, im Bruefsalltag, spöter in dr eigeni Familie usw.. wichtig sich)....

[Idefix]

dankscheen das hilft jedefalls scho wiiter

s problem isch nur, dass ich kei lust uff irgendwelchi problem han... ich will mini manschafft ahtriebe und e teil vom 12te spieler sie und nid irgendepperem dr chopf ihschloh ...

Du muesch Di au nid uf das konzentriere, isch jo klar ! Konfliktpotenzial isch in jedre Kurve vorhande und es cha sehr sehr schnell goh , aber hüt trait me jo au nüm orange....

wie au immer, fründ Di mit de lüt ah, mach mit, beteilige Di. Loss es uf di zuecho und läb d'kurve !
vor allem machs im real life und nid online.

[12Basler]

dankscheen das hilft jedefalls scho wiiter

s problem isch nur, dass ich kei lust uff irgendwelchi problem han... ich will mini manschafft ahtriebe und e teil vom 12te spieler sie und nid irgendepperem dr chopf ihschloh ...

Stand eifach mol ahne und fang nett mit es paar z rede, solang de nett bisch und kei stress machsch wirdsch zimli schnell akzeptiert und mit dr zit kensch halt dr eint und ander, so kunts denn ins rolle

[Simplex]

Im D4 hats schon noch Platz, ich würde einfach mal ein bisschen am Rand und etwa in der Mitte (von oben nach unten gesehen) hinstehen. Und wenn der Platz doch "reserviert" sein soll, dann wird dir das schon gesagt, ist nicht schlimm. Immer schön mitmachen (klatschen, singen, gumpe) und nett sein
Und vielleicht noch so als Regel: Keine Fotos, vor allem nicht wenn gezündet wird

[Mundharmonika]

Härzige Thread vo emene wilde Maa, wo mit zwai Aargauerinne wohnt... Chumm verzell!

[Wilde Maa 1893]

da das vo allne eppe gliich tönt mueses jo fast stimme odr ?

wirdi mache danke !

no e andri frog : saisonkarte zählt usschliessliech fr meisterschaftsspiel odr ?

[Simplex]

no e andri frog : saisonkarte zählt usschliessliech fr meisterschaftsspiel odr ?

Ja, du hast einfach Vorverkaufsrecht auf internationale Spiele.

[stacheldraht]

Voraussetzung ist natürlich mindestens 1 Promille Intus und ein Joint im Mund.

[fixi]

Jo stimmt ziemligg alles..jetzt bisch du dra. Ebe, verzell mol vo dinere 2 Fraue

[cantona]

Auffällig viele ernstgemeinte Antworten. Mit dem hätte ich nicht gerechnet, nachdem ich den Threadtitel gelesen haeb.

[Petric_10]

4. gits irgendwelchi regle wome sett wisse ?

dr eint odr dr ander wird sicher saage : läck stellt dä saudummi frooge ... aber ich denk jede isch mol an dem Punkt gsie wonners selber nonig gwüsst hed odr ?

Bin nur auswärts in der Kurve, aber aber die Kurve fotografieren zu wollen, ist keine gute Idee. Ansonsten in die Kurve stehen, mitschreien und der Rest gibt sich von selbst. So habe ich auch meine Freundin kennengelehrnt

[Wilde Maa 1893]

Härzige Thread vo emene wilde Maa, wo mit zwai Aargauerinne wohnt... Chumm verzell!

tönt leider spannender als es isch :P

die einti isch 55 und d fründin vo mim vater und die anderi isch 20 und mini halbschwester

das me keini fotis macht und das me sett singe isch scho klar ^^

bin nur nid de wo gern uf fremdi zuegohd und mid dene fohd afo schnure ... vorallem wenn die meiste elter sind.

usserdem bestohd d chance an falsche z groote und do hani au nid wirklich lust druf

[Simplex]

..und die anderi isch 20 und mini halbschwester

Hört sich gut an, Fotos bitte per PN

bin nur nid de wo gern uf fremdi zuegohd und mid dene fohd afo schnure ... vorallem wenn die meiste elter sind.

usserdem bestohd d chance an falsche z groote und do hani au nid wirklich lust druf

Wenn du etwa da stehst, wo ich dir vorhin geraten habe, musst du keine Angst haben, wenn du jemanden nett ansprichst (Musst du eigentlich generell nicht). Man kann ja die Leute auch etwas einschätzen

[Laufi]

Also bi mir isch das eher über de Früündeskreis g'lofe! Die hän teilwiis älteri Brüedere kah, wo scho im Joggeli in de Kurve g'stande sin (in inoffizielle Fanclubs) und mir "Junge" (14 Uffwärts) sin den eifach au yhneg'rutscht (bi viellicht au eifach zur richtige Zyt im richtige Quartier...Landauer und Umkreis!, uffg'wachse )
Aber ich vermuet emol, dass es hüte scho anderscht lauft wie vor 20 Joor...don't know es isch früehner eventuell eifacher gsi, wells viel meh glaini "Fanclubs" geh het und d'Kurve nid eso e homogeni Masse gsi isch wie hüte! Es het rockerlaschtigi, "normalos" und hoolorientierti Fanclubs (u.v.m) geh und je nachdäm wie meh "orientiert" gsi isch, het meh halt Lüüd vo de jewiilige Szene kennt!
Schlussändlig het Dir de Idefix scho die beschte Antworte geh

[einspielen]

fake!

[Basler_Monarch]

Eingentligg müesst meh ihn mol schnappe und mites paar guete Bierli bekannt mache (usw. ... dr Umgang mit Fraue kennt er jo anschinend scho )... so isches emel bi mir gsi damals

Und er sell mol inere Fahrgemeinschaft ane Uswärtsreis, das schweisst am meischte und vor allem gseht meh, was er "druf" het

[fare]

Bin auch seit der Rückrunde in der Kurve, und kenne jetzt auch schon einige

[Wilde Maa 1893]

Eingentligg müesst meh ihn mol schnappe und mites paar guete Bierli bekannt mache (usw. ... dr Umgang mit Fraue kennt er jo anschinend scho )... so isches emel bi mir gsi damals

Und er sell mol inere Fahrgemeinschaft ane Uswärtsreis, das schweisst am meischte und vor allem gseht meh, was er "druf" het

tönt gued müesst sich nurno epper finde wo parat isch das z übernee

@Laufi : bestimmt isches jetzt anderst wie vor 20 joor .. ich kenn au scho e baar stück .. abr die gönge nid regelmässig odr hocke ufm balkon obe ... :S

[Admiral von Schneider]

Jä bisch denn scho im 94 drbi gsi ?

[Idefix]

Jä bisch denn scho im 94 drbi gsi ?

scho einiges vorher....
unvergesslich anno 94
<iframe width="420" height="315" src="http://www.youtube.com/embed/iO3S0lgNcPo" frameborder="0" allowfullscreen></iframe>

[Jason_Cortez]

seid ihr blöd? FEIK!

[Simplex]

seid ihr blöd? FEIK!

Mit welcher Begründung?

[Mundharmonika]

auffällig viele ernstgemeinte antworten. Mit dem hätte ich nicht gerechnet, nachdem ich den threadtitel gelesen haeb.

w o r d

[Uassimo]

Füll doch eifach s'Bytrittsgsuech uf dr MK-Homepage us.